close
【我同usf決定仿效d初中學生哥咁要〝一齊〞po blog，po埋呢個blog，我地好痴線既〝元宵佳節之超級摩打嘴 暢談11小時〞正式宣告閉幕，多謝收睇﹗】
啊林智明你話鬥懶你實輸比我，因為我想等你打完之後我直接c&p黎個space度以誌尋日。
行程係我地同時認為比較容易回憶既部分︰
龍運->經濟司->龍運->新馬路->水坑尾->水坑尾m記屈蛇->comebuy->主教座堂->新馬路->葡京->新馬路->水坑尾->塔石->高士德->三盞燈->飛的士去關閘->關閘小泉居->高士德->大三巴->新馬路->議事亭條斑馬線終於分道揚鏢。
其間時間係由下午2點到凌晨1點講byebye，我地係全程步行，除左由三盞燈去關閘飛過一程痴膠線既的士之外。之所謂摩打嘴係我地雖然周圍都想搵地方去廁所(係因為飲太多野)、周圍想搵地方歇腳(係因為行太累)，但我地一直都無歇過嘴，無任何談話內容係翻兜同夾硬，兩個人毫無dead
air好痴膠線咁講完又講講完又講，最後我地係講到牙骹軟、笑到起唔翻身、笑到肚痛、我地最後分手個陣最後得出黎既結論係︰唔係我地講到無話題，而係我地今日實在講到太攰。真係無停過既呢11個鐘頭裡面我地自封左自己做超級摩打嘴、特級車輪嘴。我地有一個共同既諗法係經過今日之後，我地都需要閉關、需要靜養、需要休息、最重要係需要收嗲。
我地都一致覺得無野痛苦得過要我地回憶番我地曾經講過d咩。總之一句講哂講過去講將來講現在。
今日既聚真係好毫無預約，只係有人自己話自己係懶人，又自己話自己今日出山，又自己話自己要搵本大少爺。反正我地都只係八樓同十二樓之遙。
我地比較經典同比較笑嘴既語錄都係出係塔石以後既步行時段，原因為本大少爺係塔石廣場度擡望眼同林智明講嘩今晚個月光好圓，然後林智明猛然醒起係播今晚係十五元宵。係一個中國情人節。然後我相信我地都同時係心入面吶喊左一句︰fxxk﹗然後面面相覦。暴笑。
我︰〝點解我隔離個個係件扒？〞
林智明︰〝點解我隔離個個係侏儒？〞
……
我地互損太多。恕不全錄。痴膠線你林智明以為自己真係林志玲。本少爺乃念一場朋友真係好比面你，元宵節出關。
另一方面係今日見識到林智明同學好charm既一部分就係︰相傳中對待異性新相識朋友既對外交誼手法。真係好impression。
老實講，我就係用埋哂一d低級語言、唔湯唔水令到要講野既以好funny既賣相講出去，幽默感並唔係來自我要講述既事既本身或者係一種識見，令人發笑既只係我既一種表演手法，所以我一直認為我仲係停留緊係低級語言既初階部分。
老實講，林智明呢一個朋友。
第一次︰「你係好自私。」
第二次︰「你係錯誤既。」
真係事實同真心話一句兩句就能夠撥開雲霧。
我同林智明講，林智明你總係唔經唔覺一次又一次幫我。而我，於你最大效益只係聆聽，而總係無助於你。
因為你知道我既能力，就好似我既言語一樣。
不過，今日係疏爽係痛快，林智明你呢個朋友。
全站熱搜
留言列表
